صنت البدراني/وبو زيد العازمي

[صنت البدراني]

يرحبون بشعراؤنا العمالقه المبدعين و المتألقين
الذين تربعوا على قمة الأبداع بل هم القمه والأبداع
الشاعر الكبير/ صنت الحربي
شاعرمن منتديات حرب
والشاعر الكبير/ أبو زيـــــــد العازمي
شاعر الموقع الرسمي لمنتديات قبيلة العوازم من عتيبة
شاعر مبدع ومتالق في ميادين ساحة المحاوره
..................................
بأسمي وأسم إدارة الموقع الرسمي لمنتديات قبيلة العوازم من عتيبة
نتقدم بالشكر الجزيل للشاعر /صنت الحربي ع تلبية الدعوه
ولايستغرب منه الطيب والوفاء ...
ونشكر الشاعر / ابو زيد العازمي ع تلبية الدعوه .
حياكم الله في منتداكم وتواجدكم يزيدنا شرف ومكسب كبير لنا ولمنتديات قبيلة العوزام ...
واشكرنائب مدير اللجنة الاعلامية الاخ / المستشار على تنسيق وترتيب المحاورة
وأشكر منتديات قبيلة حرب ع تعاونهم معنا والمنتديات الاخرى اللتي تعاونت معنا
وياهـــــــلا ويامـــرحبــــــــا باالجميــــــع أعضاء وزوار
والبدايه مع الشاعر/ ابو زيد العازمي

ابو زيد العازمي=
هلا مرحبـا مليــون حييت يالشاعر صنت =أقوله بإسـم ربعـــــي هل العـــــز والمجد التليد
يعيش الشبابي هامته للخلايق ما إنحنت =خذ العلم مني ياصنت سجله بإسم أبو زيد
صنت الحربي=
يدوم البقى كثـر الشجـر والبيـوت اليـا ابتنـت =اقوله باسم ربعي هل السيف والباس الشديد
يعيــــش الشبـابـي فـــــــوق دام الـروابـع مـادنـت =وابوزيـد مايجهـل ويـدري عـن العـــلـم الوكــــيـد
ابو زيد العازمي=
جنينا الثمر والناس تجني ولا أدري وش جنت =أحد يستفيد من التجارب وأحد مايستفيد
زمانٍ مضــــى تنقــــض وتفتل عضـــودك مـاونت =وتال الليالي ودي أنشدك وش تملك رصيد
صنت الحربي =
جنيت الثمــــــر لكـــن كـف الغنـاوي ماغتنـت =وهـاذى تراهـا قــدرة الله يـشـاء ويـريـــــد
زمــــانٍ مضــــا قضــــى وعين العتيبي ماهتنت =وتالـي الليالـي لاتنـقـص ولامعـنـا تـزيـــــــد
ابو زيد العازمي=
أبنشدك عن موقفكـ بعد المـــــــــواذين أذنت =تجيب الندى وألا تنادي لك بعلمٍ جديد
تقولون والأسرار وســـــــط القبور اللي فنت =مئـاثر زبيـــــده مابنت مجد هارون الرشـــــيد
صنت الحربي=
ياكثر المواقف يوم بعض العرب لي حنحنت =واذكرك في وسـط الحـرم يـوم تكبيـر العبيـد
فعــــــــايـل هـارون تبيـن وشهودهـا كــــــم دونــت =وخـلـــــد لـنـا مـجـدٍ عـلـى الـعـز عـيــا لايـبــــــيـد
ابو زيد العازمي=
يصلي صنت لكن فآخر صلاته ماقنت =والأمر الحكومي ضيعه غرره ملعون سيد
مـاأذم الليـــــالي علمت بالخبر وألا كنت =لكـن إعــــــترافه بالحقيقه مثل عذر البلــيد
صنت الحربي=
أبو زيد دبرها يحسب العوازم ما أفطنت =يشيل الحمول أشعيل لكن بالماخوذ قيد
انا ما بغيت أجرحـــــــك بالسالفه لو دندنت =لكـــــن انتبه والموت معروف في حبل الوريــــــــــد
ابوزيد العازمي=
تحب المراوغ بعد كل الأذاعات أعلنت =وحــــدد مصيركـ حــــدده قبل يدعيــكـ العقيد
وانا ماشنيتــك والقبيــله لك الله ماشنت =تواجـــدك يالحربي شرف وأنت نــبراس القصيد

نشكر كلاً من الشاعرين . ع تقديم هذه المحاوره الشعريه التي تميزت بالفتل والنقض .
شعراء عمالقه وشهادتي فيهم مجروحه .

[عبدالمطلوب مبارك البدراني]

صحت السنتكم شاعرين كبيرين
وبيض الله وجوهكم ما قصرتوا

والحقيقة محاورة رائعة راقت لي
لكم جزيل الشكر والتقدير

[ضيف اللة عوض البدراني]

اخي صنت صح لسانك
ولسان الشاعر ابو زيد
العازمي
يعطيكم العافيه
تحياتي لكم......

[محمد بن جعيثن]

بسم الله الرحمن الرحيم

الاخ والشاعر صنت


محاوره رائعه وقد تابعت لك عدة محاورات فى عدة مواقع معروفه

فانت سفيرنا وانت اهل لذلك

فصح لسانك ولسانالعازمي

لك الود

[الشاعر بدر راشد]

الشاعر صنت عوض البدراني

صح السانك يابو عوض




الشاعر ابو زيد

صح السانك





الشاعربدرالبدراني