ياخب النقع سولـف للاجيـال والأزمـان

[محمد بن جعيثن]

قصيدة لافي حمود الغيداني بالمزاين

هذا الشاعر الذي لامس عقل وفكر ووجدان كلا منا بهذه الرائعه
فمن من لم يشعر بنشوه وفخر وهو يستمع لهذا المبدع يلقي درره وينثرها
بسماء خب النقع حتى اكتست القلوب بالفرحه وطربت الاذان لمعزوفته الجميله

باسم ربـي ابـدا ...واتعـوذ مـن الشيطـان = قبل ابدا كلامي.... والعـب القـاف واحوفـه
ياعالـم مالايعـلـم الـجـن ..والانـسـان = يامن كل خوف اصله خطأ ...ماعـدى خوفـه
فرجك... ومدد عونك.... وفزعتك يارحمـان = وحجاك.. وذراك.. من اغبر الوقت وصدوفـه
مضى وقت ...مثل الصايم الجايـع العطشـان = يدور من المـا ...لـو ملـي راحـة كفوفـه
أقبل جبين الشعـر000 واستجـدي القيفـان = وبيت القصيد00 اشـوف فضلـه ومعروفـه
انا بشان00 وافراح البشر00 والشعر في شان = عن الشعر كلـه رغبـة النفـس مصروفـه
وجا مايحـرك هاجـس المشفـي المرضـان = علـى فتـل قيـد الشعـر بيديـن مشعوفـه
يـدور علـى اللـي تفحمـه راسهـا مـالان = ويعرض عن اللي تعتـرض.. تقـل معسوفـه
بيوت القصيد النـدر.. أحـذر مـن الغـزلان = قوانيصهـا يلحقـهـم رهــاق.. وكلـوفـه
ياطير الخيال اصعد سمـا.. وافـرد الجنحـان = انـا شفـي اللـي غيـر عـن كـل مالوفـه
أحس انـي اول مـره اقصـد وانـا طربـان = وتجيني ذلـول الشعـر ..بالشعـر مردوفـه
نعم طايش.. وشايش.. ومتنومـس ونشـوان = مـن اللـي بعينـي مثـل خلـق الله اشوفـه
تداعت هواجيـس القريحـه علـى الولهـان = ومن الشعر لهـل الشعـر غنيـت معزوفـه
وركبنا على افضـل مانتجـت دولـة اليابـان = لاندكروز.. فاكس آر ابيضٍ.. تعجب اوصوفـه
مع الدرب لاوحف صبح ..ولا اوحف مسيّـان = تقـل مـروةٍ مـع شفـة البيـر محـذوفـه
لا والله ..زبنـت الله عـن الظلـم والبهتـان = مثل طلقـة العبـرود مـن بطـن شاخوفـه
هو غاية طلب مـن فكـر.. وعقّـد الحجّـان = نـوى طرقـةٍ بأنـواع الأخطـار محفـوفـه
نصينـا عليـه اللـي تقلّـط لحـا الضيفـان = علـى الحشـو ..ودلال البغاديـد مصفـوفـه
وللعـود الأزرق فـي سمـا بيوتهـم دخـان = يشابـه ضبـاب اللـي ضحـا تـردم قنوفـه
بخب النقـع.. موقـع حفـل شمّـخ النيبـان = ومن الحربي اللي ماحضر واعلـن وقوفـه؟!
هذا الموقف اللـي ماعنـه عذرمهمـا كـان = يجي لـه حميّـا الرجـل ..ويخلـي ظروفـه
لو ظروفه أكثر مـن صفايـح حجـر ورقـان = يجمّـع ظروفه...ثـم يبنـط بهـا الطـوفـه
هنـا للتحـام الصـف ولوحدتـه عـنـوان = ومن يقـدر يهـزّ الجمـع لالتحـمت صفوفـه
ياخب النقع ..سولـف للاجيـال.. والأزمـان = عن آخر حدث ..تاريخ حرب حضنـه جوفـه
تاريـخٍ انجـازات اهلـه نالـت استحـسـان = دهاة العـرب.. مـن بـاب صنعـا ليالكوفـه
بروايـز صفحاتـه مـن اللـول والمرجـان = ومن واحد وعشرين الذهـب تكتـب حروفـه
تاريـخٍ ماضـرّي للتـهـاون.. وللـخـذلان = مـضـرا لتتويـجـه الأفـعـال منصـوفـه
منصوفه.. بين اللي لبسـوا هامتـه تيجـان = وخلوها تعانـق هامـة الجـدي... وتطوفـه
تبا تقـوم ناقـة صالـح.. وعزهـا مانهـان = مدام ان بنـي سالـم... ومسـروح مكنوفـه
حرابـة سلاطيـن الـدول.. منبـع الفرسـان = يـوم ان اليـادي طلـق ماهيـب مكتـوفـه
ضربنا اروع الامثـال فـي نخـوة الجيـران = ودون اخويانـا نقطـع الــراس وانلـوفـه
فدينا الخـوي بـارواح ستـه مـن الشبّـان = غير اللـي بشـذرة مرهـف الحـد منسوفـه
بالاد الحلال ان كان ماهـي علـى البرهـان = بالاسماع مسموعـه... وبالعيـن مشيوفـه
غير اللون الابيض للخـوي مانعـرف الـوان = ماتصبح بنـا هقـوات الاصحـاب مكسوفـه
ونسـوي لاسوينـا المعـاريـف بالمـجـان = مخلوفـه...والا انـشالله ماهـي مخلـوفـه
كـذا طبعنـا ...مـن الله خلقنـا وحتـى الان = مواقيفـنـا بالخـيـر والـشـر معـروفـه
ولامنـا عطينـا ظهورنـا.. قصدنـا حقـران = ماننظر خلاف.. ونتـرك الضعـف لضعوفـه
ولامنـا عطينـا نحورنا...نشبـه الطـوفـان = نعـز الصديق....ولحيـة الخصـم منتـوفـه
بحالـة رضانا...نجـزا الاحسـان بالاحسـان = وبحالـة غضبنا....مانخلـي لنـا حسـوفـه
يعني ..نزعل الراضي..ونرضيـك يالزعـلان = بيـومٍ معازيـبـه تـبـرّا مــن ضيـوفـه
لنا في سنـام المجد..مجـد وحمـا واوطـان = وعلى غاربه نرقى...مانرقـى مـع ردوفـه
بكـل اختصار...اقولهـا بالـفـم الملـيـان = اخذهـا علـى ماقالـوا النـاس مكشـوفـه
لامنـا دخلنا...ندخـل مـع اوسـع البيبـان = على المجد...لين المجد يرخـي لنـا اكتوفـه
وبـاق القبايـل والنعم...مابـهـم نقـصـان = على الله تعالى أدخـل عـن الظلم...وحتوفـه

المبدع/// لافــــي حــمـــود الـغـيـدانــي

[اللهبي]

الشاعر // لافي حمود الغيداني


الشاعر الحاضر بشعره في كل مناسبه للقبيله

شاعر ارتبط اسمه بمناسبات القبيله

شاعر لديه رصيد بقدر

حرصه على تسخير ابداعه لخدمة القبيله

و اظهار مفاخرها

رغم ان هذ الشاعر من جيل الشباب

الا انه اختصر ال 1000 ميل بخطوة الواثق



له منا جزيل الشكر


و الشكر لك ابو عبد الله على نقل رائعة الرائع // لافي حمود الغيداني00


و تقبل احترامي0

[عادل البدراني]

الاخ

ابوعبد الله

لاهنــت وبيض الله وجهك

الله يعطيك العافيه

على نقل هذا القصيــدة الرائـــعه


الذي اخذت من النبض الكثير

من القلب كل القلب

قصيده مليئه بالصور الإبداعية

يتفرد بها الشاعر لافي


شاعر يستطيع ان ينتزع الاعجاب انتزاع من قلوب القراء

شاعر له قدره خارقه على تطويع القوافي وصياغه الجمل الابداعيه



صــح السان

الشاعر / لافـــي حـمــــود الغيداني

[ابن سعران]

الرائع دائمآ ابوعبدالله

السلام عليكم ورحمة الله وبركاته:

حرصك على تقديم كل ماهو جميل ورائع لنا ماهو الأ جانب مماتحتويه من خصال ولن استطيع ايفأك ما تستحق من تقدير


هذه الرائعه للشاعر لافــــي حــمـــود الـغـيـدانــي التى ابدع فيها كنت ابحث عنها


شكرآ لجهودك وما تبذله من تضحيه لهذا الصرح

تقبل صادق الود

[عوض البدراني]

الاخ ابو عبد الله

شكرا لجهدك في نقل هذه الرائعه للشاعر المبدع دائما

لافي بن حمود الغيداني 0 بصراحه قصيده في قمة الروعة

والجمال 00 الله لايهينك ياابوعبد الله وصح لسان الشاعر

لافي الغيداني